網紅的藏寶箱尋晚去咗睇 #多啦A夢standbyme2 大電影😛呢集講大雄同嫲嫲我細個睇漫畫已經喊咗好多次，細個仲一路睇一路FF自己外婆死咗會點（明明佢勁長命依家都好健康🌝）但我人大咗反而對於親情呢一塊變得好冷漠，可能係睇開咗人生遇到嘅所有人都有離別嘅一日，大家只係有緣喺呢世相遇一齊做咗份功課互相學習，總會有人做完project然後quit group各散東西嘅一日，重要嘅係大家喺呢一世人相處同離別嘅過程中，學懂愛與奉獻，學懂放下，即使親人離開咗，喺佢曾經陪伴你嘅日子入面，佢呢世人嘅經歷同智慧都曾經啟發過你，成為你往後人生嘅一部分，構成你性格嘅一部分，以另外一種形式陪你行落去。
現實世界固然唔會有多啦A夢帶你穿越時空化解你嘅遺憾，但係好多謝藤子F不二雄喺創作嘅世界比咗我們好多人嘅童年一個善良而美好嘅想像朋友，即使人已經離開咗，佢嘅創作依然用不同嘅形式繼續溫暖其他人嘅內心，啟發更多小朋友成長為一個溫暖嘅大人，慢慢造成全球暖化的問題。
Search